það er allt frábært að frétta af mér. Mér líkar alveg rosalega vel í vinnunni samstarfsfólkið er frábært, er búinn að fara á einn starfsdag fórum og gistum á geggjuðu hóteli í hveragerði með heitum pottum og læti og borðuðum á fjöruborðinu á stokkseyri. Þannig að það var mikið drukkið og mikið stuð.

 Fyrir þá sem ekki vita er ég umsjónarkona yfir frístundaklúbb fyrir fötluð börn og unglinga í Breiðholti. Þetta er alveg nýtt starf. Þannig að þetta er mjög spennandi og það hefur verið gaman að skipuleggja starfið og kaupa inn húsgögn og svona. Ég er líka með flott starfsfólk sem er búið að standa sig mjög vel. Við erum ennþá bara að kynnast stelpunum sem eru hjá okkur og þekkja inn á þær og svona. Núna fer starfið að fara á fullt og það eru að koma inn fleiri umsóknir frá foreldrum þannig að það er allt að gerast. Svo var ég líka að heyra um daginn að á næsta ári förum við 100% starfsmennirnir í Miðbergi til Finnlands.

Annars er ég að venjast því að vinna frá 9-5 og vera bundinn frá 9-5 en það er að venjast og stundum finnst mér mjög óþægilegt að geta ekki skroppið þegar ég vil eins og þegar maður er í skóla, en svo er auðvitað algjör lúxus að vera í búinn í vinnu klukkan 5 og í fríi um helgar. Ég er reyndar enn með liðveislu sem og er með 46 klukkustundir í mánuði sem er heldur mikið. En þetta eru bara svo frábærar stelpur þannig að ég veit ekki alveg hvað ég geri.

 Svo erum ég og Hrefna núna hjá einkaþjálfara og hann er svo ofvirkur að við mætum til hans fimm sinnum í viku, og við erum í einn og hálfan tíma í einu! En verst er að ég er ekki alveg að taka mataræðið með líka. En allavega það er mjög fínt að vera kominn af stað í ræktinni. En svo er búið að fastráða Rúnar á útvarpinu hann byrjar 1.október. Þannig að það er bara flott þótt launin séu ömurleg. Svo var hann að vinna á vestfjörðum í síðustu viku og kom í sjónvarpsfréttunum  svo ég monti mig nú aðeins.

Svo er ég búin að fara á djammið síðustu tvær helgar, sem er bara nokkuð gott. Eða ég fór nú kannski ekki á djammið síðustu helgi, ég nennti ekki að kíkja niður í bæ. Sóley hélt upp á afmælið sitt á föstudaginn og fórum við út að borða og svona.

Á sunnudaginn fórum við í skírn hjá bróðursyni hans Rúnars og hlaut hann nafnið Marínó Freyr og fórum við síðan í skírnarveislu fyrr um daginn. Á laugardeginum fórum við síðan í fjölskyldu- og húsdýragarðinn með Bjarka Fannari frænda rúnars og var það mikið fjör og mikið gaman ;)

Held að þetta sé komið nóg ;)

jebbs nú er sumarið að verða búið og haustið að taka við. En þetta haust er frábrugðið haustum síðustu ára, þar sem að í ár er ég ekki að fara í skóla, heldur er að fara að vinna. Ég er ekki orðin þreytt á því að vinna eins og yfirleitt um þetta leyti heldur er ég spennt við að takast á við þetta nýja verkefni að vera umsjónarmaður yfir frístundaklúbb fyrir fötluð börn. Það er bara vonandi að eitthvað starfsfólk sæki um svo þetta komist í gagnið.

En já svo tókum við Ninja þátt í reykjavíkurmaraþoninu á laugardaginn, hlupum 10 kom, stefnan var að vera á undir klukkutíma og vorum við 55 mínútur. Sem við vorum mjög sáttar við og vorum alveg ofboðslega stoltar þegar við komum í mark en þetta var puð. Ég var númer 94 af 772 í mínum aldursflokki konur 18-39 ára og held ég það það sé bara ágætis árangur miðað við fyrstu keppni.

En já en ef ykkur vantar skemmtilega og ágætlega launaða vinnu með skóla eða bara sem auka eða 50% vinnu, endilega verið í bandi við mig

kv. Borghildur

já ætla að hafa stutt blogg og koma með smá fréttir af mér :)

Eins og glöggvir hlustendur ríkisútvarpsins heyrðu í gær þá var ég í speiglinum að fjalla um rannsókn mína hjá ítr á frístundaþjónustu við fötluð börn. Þannig að ef einhverjum langar að hlusta getur hann farið inn á ruv.is ;)

og önnur frétt er að ég er komin með vinnu hjá íTR nánar í Miðbergi sem er upp í Breiðholti og þar verð ég umsjónarmaður yfir frístundaklúbb fyrir fötluð börn 10-16 ára. Sem ég er alveg í skýjunum með ;) langaði bara að koma þessu á framfæri

Neistaflug var frábært ég skemmti mér alveg ótrúlega vel þó ég hafi aldrei drukkið svona lítið síðan ég byrjaði að drekka, þakka öllum sem ég hitti og var með fyrir frábæra skemmtun.

kv. Borghildur

Já ég og Ninja erum búnar að skrá okkur í Reykjavíkurmaraþon Glitnis sem verður haldið laugardaginn 18. ágúst og ætlum við að hlaupa 10 kílómetra. Þar sem við erum kannski ekki í súperformi er ekki markimð að ná mjög góðum tíma heldur bara að klára hlaupið. En auðvitað ætlum við að gera okkar besta

En alla vega þá skora ég á alla að heita á mig í Maraþoninu ég valdi að styrkja kvennaathvarfið þar sem ég var að vinna þar í sjálfboðaliðastarfi síðasta vetur og komst að því að athvarfið er í dag í mjög óhentugu og óbarnvænu húsi einnig er það ekki nógu stórt þegar margir eru í athvarfinu. Til þess að heita á mig og styrkja í leiðinni Kvennaathvarfið getið þið farið á www.marathon.is og valið heita á hlaupara og skrifað þar Borghildur Sigurðardóttir og þá kemur upp nafnið mitt og þið klikkið á það og þá getið þið styrkt kvennaathvarfið

Svo hvet ég bara alla til að koma og hvetja okkur Ninju laugardaginn 18 ágúst. En annars þá sé ég vonandi flest ykkar á Neistaflugi.

Jæja ég ákvað að skella dagskránni á neistaflug bara hérna inn... .ég er orðin svo sjúklega spennt og snilld að ballið á laugardags og sunnudagskvöldi séu í íþrótta húsinu, ´þá verður maður ekki að kafna úr hita eins og venjulega.... og eru ekki allir að koma á Neistaflug ;)

Föstudagurinn 3.ágúst
Útisvið
Setning - Helga Jónsdóttir Bæjarstjóri Fjarðarbyggðar setur Neistaflug 2007
Neistaflugshljómsveitin frumflytur Neistaflugslagið 2007 í boði Sparisjóðs Norðfjarðar
Gunni og Felix í boði SVN
Out Loud hitar upp fyrir 16 ára ballið
Upphitun fyrir Tinu Turner-Showið

Dansleikir
Útgáfutónleikar Guðmundar R. Gíslasonar & Tinu Turner-Show í Egilsbúð
Brján dansleikur í Egilsbúð (Sigga Beinteins, Bryndís og Bjarni Freyr)
Out Loud dansleikur í íþróttahúsinu (16 ára aldurstakmark)


Laugardagurinn 4.ágúst

Neistaflugsgolfmót GN og SVN


Barðsneshlaup - Skokkarar
Barðsneshlaup - Hlauparar
Firmakeppni í fótbolta á Norðfjarðarvelli (skráning í síma 869-9208 - 5.000 kr. þátttökugjald)
Dorgveiðikeppni (skráning við útisvið)
Leiktæki opna við sundlaug og Tívolí við Samkaup
Kaffisala hjá eldri borgurum í Sigfúsarhúsinu
Útisvið
Verðlaunaafhending f. Barðsneshlaup og Dorgveiðikeppni
Gunni og Felix í boði SVN
Söngvaborg í boði Landsbankans
Hljómsveitin Goosfrabra frá Eskifirði spilar
Brunaslöngubolti Buff og Matti Papi - BRJÁN
Halli Reynis og Guðmundur R.
Buff og Matti Papi hita upp fyrir kvöldið
LaserDiskótek fyrir börnin í Egilsbúð - Frítt inn í boði Snorra Hall


Fjölskyldutónleikar með Out Loud, Concrete, Darkness Grows, Black Banans, Arachnophobia, Hugrof, Goosfraba og Dichmilch á útisviði
Dansleikur með Hljómsveitinni Dichmilch í Egilsbúð (16 ára aldurstakmark)
Dansleikur með Buff og Matta Papa í íþróttahúsinu


Sunnudagurinn 5.ágúst

Tour de Norðfjörður (skráning við útisvið)
Leiktæki opna við sundlaug og Tívolí við Samkaup
Kaffisala hjá eldri borgurum í Sigfúsarhúsinu
Útisvið
Barnaleiksýningin "Bara í Draumi" upphitun í boði Glitnis
Verðlaunaafhending f. Tour de Norðfjörður
Gunni og Felix í boði SVN
Abbababb í boði Sparisjóðs Norðfjarðar
Barnaidol (12 ára og yngri - þátttakendur mæti með undirleik á geisladiski)
Trúðarnir Búri og Bína
Neistaflugshljómsveitin í boði Sparisjóðs Norðfjarðar
Kántrý-hljómsveitin Hnakkarnir taka nokkur lög
Barnaleiksýningin "Bara í Draumi" sýnd í Egilsbúð (Aðgangseyrir -1.000 kr. F. börn, -1.500 kr. F. fullorðna)
Speedway - Mótorhjólakeppni (á túni við hliðina á gólfvelli)

Við grunnskólann
Harmonikufélag Norðfjarðar
Gunni og Felix í boði SVN
Varðeldur
Hundur í óskilum
Fjöldasöngur - Hlynur Ben
Todmobile spilar
Flugeldasýning

Todmobile dansleikur í Íþróttahúsinu

_____________________________________________________________

Sjáumst í sólinni !

nú er ég búin að vera vinna inni eins og þið vitið flest í allt sumar. Það er mjög þreytandi til lengdar sérstaklega fyrir manneskju eins og mig sem vill helst vera úti. Núna er ég búin að vera næstum því að sofna í allan dag í vinnunni og búin að dreyma um súkkulaði, þó ég hafi ætlað að taka mig á í mataræði, svo fór ég í kaffiáðan og var þá í boði lítil súkkulaðistykki, ég fékk mér eitt og ég er full af orku og miklu duglegri að vinna núna, súkkulaðii virkar. Allavega á mig í dag, kannski virkar kaffi eins, ég er bara ekki ennþá farin að drekka það.

Víst að ég er búin að borða súkkulaði í dag er nauðsynlegt að hreyfa sig svo ég þarf að fara út að hlaupa á eftir, ef það verður ekki demba, þvílík úrhellisrigning sem kemur annars lagið.

Vildi bara deila þessu með ykkur

10 dagar í neistaflug ;)

já ég kíkti austur síðustu helgi eða á miðvikudagskvöldi réttara sagt, það var æðislegt að koma heim og um leið og ég keyrði bæinn fór sælutilfinning um mig. Mér líður aldrei eins vel og þegar ég er heima á Neskaupastað, loftið svo hreint, fallegt landslag og skemmtilegt fólk. Ég fór nokkrum sinnum á kaffihús, hitti stelpurnar og fór í heimsókn til gumma, söru og skvísunnar. Það var mjög gaman og hún er sko alveg gullfalleg daman litla. Ég bíð bara spennt eftir því að fá að heyra nafnið

Ég fór líka með sigrúnu og pabba að veiða og veiddum því tvær fallegar ýsur, ekki slæmt það, ásamt nokkum ufsum, þorskum og einni lýsu en við hentum þeim aftur í sjóinn. Veðrið var bara hið ágætasta sól og hiti og svo reyndar læddi austfjarðaþokan sér inn, það var svo sem í lagi þar sem ég var pínu farin að sakna hennar . Ég fór út að hlaupa með mömmu, kíkti til ömmu og afa og fór í sund.. Ég kíkti síðan til egilsstaða á laugardaginn, Rúnar var á bekkjarmóti um helgina og um kvöldið var matur með mökum og það var mjög gaman.

Í síðasta bloggi þá var ég að tala um að stefnan væri tekin á útilegu og við fórum í útilegu þá um helgina, sigrún kom suður 13. júlí, mig langaði svo að fá hana með okkur. Við  fórum vestur á Arnastapa, það var æðislega gaman, frábært veður, falleg náttúra, lékum okkur í fótbolta, blaki og frisbí, skoðuðum alveg slatta og var Sigrún Harpa orðin pínu þreytt á því. Kíktum í græna náttúrusundlaug sem leit frekar illa út til að byrja með en var mjög fín.

Sigrún Harpa var síðan hjá okkur fram á miðvikudag og kom með okkur austur þá. Við gerðum margt í borginni, fórum í keilu, fjölskyldu- og húsdýragarðinn, sund, bíó, tívolíið, perluna og í kringluna og smáralind, þar sem verslaðir voru nokkrir pokar af fötum á Sigrúnu Hörpu. Ég held að Sigrún hafi verið mjög ánægð með ferðina því nóg var um að vera. 

Ég kom suður í gærkvöldi og Rúnar kemur í dag, ég hefði sko alveg til að stoppa fyrir austan fram yfir versló en maður verður víst að vera duglegur að vinna. Reyndar stutt í næstu ferð austur ekki nema 10 dagar, kem fimmtudaginn fyrir neistaflug, því miður verður rúnar að vinna um versló  hefði verið svo frábært að hafa hann með, en maður ræður ekki öllu. Stefnan næstu helgi er ættarmót hjá Rúnari í grímsnesi, aftur útilega sem sagt. Við höfum ekki verið heima eina einustu helgi í júlí því nóg hefur verið að gera.

Jæja en annars er ég farin að hlakka mjög mikið til Neistaflugs, Buff og Todmobile getur ekki klikkað. Vonandi verður líka Hlynur Ben aftur með brekkusönginn og vonandi verðurvindurinn aðeins minni í þetta skipti svo hægt verði að kveikja í brennunni

kv .Borghildur

Sæl öll, það er allt frábært að frétta af mér sumarið er búið að vera algjört æði, veðrið bara eins og maður sé fyrir austan eða kannski betra. Vinnan hjá ÍTR er frábær. útskriftin 16 júní var frábær og dagurinn hreint yndislegur. Ég reyndar varð fyrir því óláni að fá salmonellusýkingu út af einhverju sem ég át í króatíu vikuna fyrir útskrift, þannig að ég´hélt aðfararnótt laugardags að ég kæmist ekki á útskriftina en sem betur fer batnaði mér á laugardeginum.

Ég vil þakka öllum sem komu í veisluna okkar fyrir komuna og allar gjafirnar við fengum margar og flottar gjafirnar, þar ber helst að nefna utanlandsferðina til króatíu auðvitað frá mömmu rúnars og kallinum hennar og svo frá mömmu og pabba fáum við 50 þúsund upp í pall og pabbi ætlar að koma og smíðann næsta vor :) alveg frábært, svo fengum við bækur, fullt af myndum, gestabók, blóm, blómavasa,hvítvínsglös og rauðvínsglös, svo fékk ég hring og hálsmen og örugglega eitthvað fleira, En dagurinn var bara yndislegur skemmtilegir gestir og passlega mikið af veitingum.

En eftir útskrift fór ég svo að vinna bara á fullu hjá ÍTR ég er sem sagt að vinna nýsköpunarverkefni hjá þeim um frístundaþjónustu fyrir fötluð börn 10-16 ára, mjög skemmtilegt og spennandi, hef verið að taka viðtöl við foreldra og siðan er búið að leggja spurningakönnun fyrir.Vinna í vetur er ekki alveg komin á fast en ég er með augu á einu sem er líklegt að ég fái. Vonandi fær Rúnar áfram vinnu á útvarpinu en það er ekki komið alveg fast.

Reyndar í vikunni eftir útskrift fór ég í smávægilega aðgerð sem gekk svona svakalega vel að ég fann varla fyrir verkjum. Annars hef ég bara verið að njóta góða veðursins og eitt nokkrum klukkutímum í sólbaði út í garði. Við Rúnar höfum líka verið dugleg að fara út að hjóla, ég gaf rúnari hjól í útskriftargjöf.

Ég og Ninja höfum líka verið duglegar að fara út að hlaupa, ætlum að hlaupa 10 km í reykjavíkurmarþoninu, hlupum einmitt 10 km á þriðjudaginn og stóðum okkur svona rosalega vel, ég er alveg að springa úr stolti af þessu. Ég hef ekkert farið á djammið í sumar og ég sakna þess ekkert, ég og Rúnar fórum í útilegu í fossatúni síðustu helgi sem var æðislegt skoðuðum líka reykholt og hraunfossa og húsafell. Það var alveg æðislegt veðrið flott og bara æðislegt að vera þarna í fossatúni. Við ætlum einmitt að fara aftur í útilegu núna um helgina erum samt ekki búin að ákveða hvert, við keyptum okkur nefnilega alveg svakalega flott stórt fimm manna tjald um daginn, sem er alveg frábært!

Svo er Sara og Gummi búin að eignast gullfallega prinsessu, ég fer austur næsta miðvikdagskvöldið og stoppa fram á sunnudag og hlakka ég alveg ofboðslega til og ekki síst til að sjá litlu prinsessuna, fyrsta vinkonan búin að eignast barn frekar skrýtin tilfinning. En svo verður auðvitað bara æði að koma austur og hitta familíuna svo er bekkjarmót hjá rúnari þessa helgi þannig að það er matur fyrir maka á laugardagskvöldið og maður kíkir nú á það! Svo kem ég auðvitað aftur austur um versló, en hverjir verða annars á Neistaflugi....?

Jæja komið nóg og bara njótið sumarsins því þessi tími ársins er yndislegur

Hæhæ, við komum frá Króatíu á sunnudaginn, þessi ferð var mjög góð í alla staði fyrir utan eitt og það var það að veðrið var ekki það besta, rigndi svona 10 daga af 14 eitthvað á hverjum degi en samt ekki rigning allan daginn, en það komu svona 5-6 góðir sólar dagar. En ég var mjög svekkt til að byrja með en svo ákvað ég bara að maður megi nú ekki láta veðrið skemma fyrir sér.

Það er alveg ofboðslega fallegt í króatíu þetta er svo allt annað en Costa Del Sol eða Benidorm þarna er fullt af fallegum trjám, íkornar og eðlur. Reyndar eru engar eða allavega mjög fáar sandstrendur þarna sem er galli.

Við fórum í ferð til Feneyja sem var frábær, ekkert smá gaman að skoða feneyjar og sjá hvernig þetta er allt, bátar fyrir utan heimilin hjá fólki. Svo skoðuðum við markúsartorg, þar sem eru alltaf klikkað margar dúfur. En ég set kannski inn nokkrar myndir þegar ég nenni.

Það sem er um að vera núna er að ég er byrjuð í nýrri vinnu verð að vinna að nýsköpunarsjóðs verkefni hjá ÍTR í sumar um frístundaþjónustu við fötluð börn. Mjög spennandi og þarft verkefni því mikilvægt er að bjóða foreldrum fatlaðra barna frístundaþjónustu eftir skóla. Til þess að foreldrarnir geti unnið eða mennta sig til jafns við foreldra ófatlaðra barnaþ Þetta er sem sagt mjög spennandi verkefni en samt skrítið að fara strax í svona BA verkefnisvinnu aftur, en þetta verkefni verður stærra bæði eigindlegt og megindlegt.  Megindlegt er tölfræðileg úrvinnsla og eigindlegt að taka opin viðtöl fyrir þá sem vita það ekki. EN þetta starf í sumar mun vonandi hjálpa mér að fá gott framtíðarstarf hjá ÍTR. Því mér lýst nefnilega alveg rosalega vel á að vinna þar í framtíðinni

Annars átti ég að fara í aðgerð í dag, en er búin að vera að drepast úr magapest síðan ég kom að utan þannig að ég er örugglega með matareitrun, fór til læknis í dag en það er víst voðalítið hægt að gera í þessu, og mælti með að ég myndi drekka gatorate. Þannig að ég mátti sem sagt ekki fara í aðgerðina í dag

En allavega útskriftin er á laugardaginn og er ég svakalega spennt fyrir því, það verður haldið smá teiti hérna heima í tilefni útskriftar okkar Rúnars... En jæja ég þarf að drífa í bónus og versla fyrir teitið

kv .Borghildur

þá er langt síðan ég hef bloggað, ástæðan fyrir því er hreinlega sú að ég nennti því og einnig hefur veirð mikið að gera hjá mér. Í fyrsta lagi skilaði ég BA verkefni mínu, sem var þvílíkur léttir en samt skrýtið í leiðinni þar sem við lögðum svo mikla vinnu í þetta og lík a það að nú er grunnnámi mínu í háskóla búið eins og það er nú skrýtið. Þessi þrjú ár hafa liðið alveg ótrúlega hratt og einn besti tími lífs míns, ég hef kynnst skemmtilegu fólki í skólanum og ekki má gleyma að ég kynntist Rúnari fyrir tæpum þremur árum.

Einnig fluttum við Rúnar inn í okkar eigin íbúð að Fróðengi 10, það var mikið bras og vinna að flytja, þó maður hafi nú ekki átt stóra íbúð eða mikið dót ´þá tók þetta tímann og sérstaklega þrifin á Eggertsgötunni. En við erum óðum að koma okkur vel fyrir hér í Fróðenginu. Við erum búnar að fá flottar innflutningsgjafir, við fengum svaka flotta þvottavél frá mömmu Rúnars og manninum hennar, frá mömmu og pabba fengum við sjónvarpsskáp og sófaborð, svakalega flott. Frænka Rúnars gaf okkur sófasettið sitt, brúnt leðursófasett sem við létum flytja að austan. Frá bróður rúnars og fjölskyldu fengum við svakallega fín sólstofuhúsgögn fyrir grillpartýin sem haldin verða í sumar. Frá önnu fengum við svakalega flotta skál, Sóley tertuhníf, Möttu blóm og vínglös,  frá Oddný og Sigrúnu blóm og baðolíu og frá Ninju, Palla, Jónínu og Gumma fengum við ostabakka og hvítvín. Ég þakka bara kærlega fyrir allar gjafirnar þetta hefur verið frábært.

Auk þess keyptum við okkur bókaskáp og erum óðum að klára að raða þessum haug af bókum sem við eða aðallega Rúnar á. Einnig keyptum við íssskáp, eldhúsborð og hillu frá fólkinu sem bjó hér á undan. Þannig að þetta er allt að smella saman. Hafþór býr hjá okkur núna, sem er svo sem ágætt, hverjum hefðii getað grunað að ég og Hafþór myndum búa saman eftir að við fluttum að heiman eins og við vorum nú alltaf góð systkini. En þetta gengur bara vel þótt ég nöldri í honum annars lagið.
´
Núna líður senn að utanlandsferðinni okkar, við förum út klukkan 6:20 á sunnudagsnótt, frekar snemma til Króatíu. Ég er orðin svaka spennt og er búin að ákveða að fara í dagsferð til Feneyja og Slóveníu. Svo það er bara vonandi að Hafþór rústi ekki íbúðinni á meðan. Ég er ekki komin með örugga vinnu en þetta er allt á réttri leið og mér sýnist ég vera að fá vinnu sem hentar fullkomnlega mínu áhugasviði en það ætti að koma í ljós á morgun eða miðvikudaginn. Ég læt vita að því þegar það er orðið fast.

En annars er ég veik núna og ég sem verð aldrei veik. Fékk ælupest væga samt og kemst í vinnuna á morgun, þoli samt ekki að hringja mig veika í vinnu þetta er í annað skipti sem ég geri það á ævinni og ég eiginlega bara skammast mín fyrir það. En jæja það er nú eðlilegt að vera veikur annarslagið. Ég er orðin hress núna og ætti því að fara að taka til hérna inni og ganga frá..
Aldrei að vita nema að ég verði duglegri við að blogga ef einhverjir kíkja á síðuna